काठमाडौं । चन्द्रागिरि नगरपालिका ११ सतुंगलमा ३ दिने ध्यान तथा योग शिविर चलिरहेको छ ।
ओशोधारा नेपाल चन्द्रागिरि ध्यान केन्द्रको आयोजनामा भइरहेको ३ दिने ध्यान तथा योग शिविर चन्द्रागिरि नगरपालिका स्थित सतुङ्गलको शान्ति नमुना बस्तीमा जारी रहेको छ ।
उक्त योग तथा ध्यान शिविरमा प्रमुख आचार्य आचार्य पुजारी, आचार्य सुवास, आचार्य कृष्ण सखा लगायत योग गुरुहरूबाट आनन्दित जीवन जिउँने कला र योग तथा ध्यान सम्बन्धी विभिन्न सुत्रहरूबारे प्रस्तुति भइरहेको छ ।
कार्तिक २५ गतेसम्म चल्ने सो शिविरमा गौतम बुद्धको अष्टाँगिक आर्य मार्ग, श्री कृष्णको निष्काम कर्मयोग लगायत विभिन्न वैज्ञानिकहरूद्वारा प्रतिपादित जिपनोपयोगी कला सिकाइएको छ ।
६५ जना साधकहरू सहभागी रहेको उक्त शिविरमा पतंजलीको अष्टाँग, ओमकारको आत्मपरिचयको ज्ञान लगायतका कक्षाहरू संचालन भइरहेको आयोजकले जानकारी दिएका छन् ।
