१८ मंसिर, काठमाडौं । नेपाल प्रिमियर लिग (एनपीएल)को चौथो खेल अन्तर्गत आज भएको खेलमा सुदूरपश्चिम रोयल्सले विराटनगर किंग्सविरुद्ध सानदार जीत निकाल्दै मा उत्कृष्ट सुरुआत गरेको छ ।
सुदूरपश्चिमले विराटनगरलाई १८३ रनको विशाल लक्ष्य दिएकोमा विराटनगर किंग्सले ९२ मात्रै बनाउन सक्यो विराटनगरका बसिर अहमदले २४, निकोलस किर्टोनले १५ र क्रिस सोलेले १० रन बाहेक अरुले दोहोरो अंकमा रन जोड्न सकेनन् ।
सानदार खेलेको सुदूरपश्चिमको यो पहिलो खेल हो भने विराटनगरको लगातार दोस्रो हार हो । यसअघि वि।टनगर जनकपुर बोल्टसँग ८ विकेटले पराजित भएको थियो ।
विराटनगरविरुद्ध फराकिलो जीत निकाल्ने क्रममा सुदूरपश्चिमका अविनाश बोहोरा र स्कटले तीन/तीन विकेट लिए । ब्रान्डन, इशान पाण्डे र सैफ जैबले एक/एक विकेट लिए ।
यसअघि टस हारेर ब्याटिङको निम्तो पाएको सुदूरपश्चिमले कप्तान दीपेन्द्र सिंह ऐरीको आक्रमक ब्याटिङमा १८२ रन बनाएको थियो ।
कप्तान ऐरीले अन्तिम दुई बलमा लगातार छक्का प्रहार गर्दै सानदार फिनिसिङ गरे । उनले १९.५ ओभरमा प्रतिश जिसीलाई छक्का प्रहार गर्दै अर्धशतक पूरा गरेका थिए । अन्तिम बलमा पनि छक्का हानेपछि दीपेन्द्रले २४ बलमा अविजित ५७ रन बनाए । उनले ३ चौका र ५ छक्का प्रहार गरे । उनले बाउन्ड्रीबाट ४२ रन जोडेका थिए ।
सुदूरपश्चिमले ७ विकेटको क्षतिमा १८२ रन बनाएको हो । कप्तान दीपेन्द्रसिंह ऐरीले ५७, ब्रान्डनले ३६, बिनोद भण्डारीले २३, इशान पाण्डेले २१, सैफ जैबले १४, स्कटले १० रन बनाए ।
विराटनगरका अनिल खरेलले तीन, क्रिस सोले, इस्मत अलाम र बसिर अहमेदले एक/एक विकेट लिए ।
