विज्ञापन
काठमाडौँ । थाक्रे गाउँपालिकाले आफ्ना बालबालिकाहरूलाई अनिवार्य सामुदायिक विद्यालयमा पढाउन निर्देशन दिएको छ ।
विज्ञापन
२०८२ वैशाख ७ गते बसेको गाउँपालिकाको १४० औं बैठकको निर्णयानुसार थाक्रे गाउँपालिकाका जनप्रतिनिधि, विद्यालय व्यवस्थापन समिति, शिक्षक अभिभावक संघका पदाधिकारीहरू र सामुदायिक विद्यालयमा कार्यरत शिक्षक तथा विद्यालय कर्मचारीहरुले आफ्नो बालबालिकाहरूलाई अनिवार्य रूपमा सामुदायिक विद्यालयमा भर्ना गरी पढाउनु पर्ने निर्णय गरेको हो ।
समय सापेक्ष शिक्षा नीतिको अभाव भएको भन्दै नयाँ शिक्षा ऐन बन्नु पर्ने लगायत विभिन्न मागहरू राखेर देशभरका सामुदायिक विद्यालयका शिक्षकहरू आन्दोलनमा उत्रि रहेको र धमाधम निजी विद्यालयहरूमा विद्यार्थीहरूको ओइरो लागिरहेको अवस्थामा थाक्रे गाउँपालिकाको निर्णयलाई बुद्धिजीवीहरूले स्वागतयोग्य कदम भनेका छन् ।
