काठमाडौं । काठमाडौं महानगर प्रमुख बालेन्द्र शाह (बालेन) र प्रमुख प्रशासकीय अधिकृत सरोज गुरागाईंबीचको लामो टकराव अन्त्य हुने देखिएको छ । गत पुस ८ गतेदेखि बस्न नसकेको कार्यपालिका बैठक आजका लागि बोलाइएको छ ।
विज्ञापन
विवाद समाधानका लागि बिहीबार प्रमुख शाह, उपप्रमुख सुनिता डंगोल र कार्यपालिका सदस्यहरूबीच भएको छलफलले बैठकको मार्गप्रशस्त गरेको हो । सहमतिअनुसार, प्रमुख शाहले बिहान ११ बजे आगामी आर्थिक वर्षको नीति तथा कार्यक्रम र बजेटका लागि स्रोत अनुमान तथा सीमा निर्धारण समितिको बैठक बोलाएका छन् ।
विज्ञापन
त्यसलगत्तै उपप्रमुख डंगोल संयोजक रहेको राजस्व परामर्श समितिको बैठक बस्नेछ र दिउँसो २ बजे कार्यपालिकाको पूर्ण बैठक आयोजना हुनेछ ।
