काठमाडौं । पछिल्लो समय नेपाली साङ्गीतिक क्षेत्रमा अपत्यारिलो ढंगले चर्चा र प्रसिद्धि बटुल्न सफल कुमा सागरको समूहले भोलि १७ गते शनिबार प्रत्यक्ष साङ्गीतिक प्रस्तुति दिने भएको छ ।
विज्ञापन
पिरामिड भेन्चर्स प्रा.लि.को आयोजनामा हुन लागेको उक्त प्रत्यक्ष प्रस्तुतिमा सहभागी हुन चाहने सङ्गीतप्रेमीहरूले आई.एम.ई. खल्ती मोबाइल वालेटको माध्यमबाट टिकट खरिद गर्न सकिने बताइएको छ ।
विज्ञापन
चन्द्रागिरि नगरपालिकाको गुर्जुधारास्थित भेहिकल एकेडेमी एण्ड रिसर्च सेन्टरमा आयोजना हुने सो कार्यक्रममा “कुमा सागर एण्ड द ख्वप: ब्यान्ड” का साथमा गायक कमल खत्री र “द एडप्टर्स ब्यान्ड”को पनि प्रस्तुति रहने आयोजकले जानकारी दिएको छ ।
कार्यक्रम दिउँसो ३ बजेदेखि सुरु हुने र कार्यक्रम अवधिभर विभिन्न मनोरञ्जनात्मक प्रस्तुतिहरू समेत हुने बताइएको छ ।
