काठमाडौँ । नृत्य निर्देशक संघ नेपालले आयोजना गरेको तेस्रो डिडान तीज प्रतियोगिताको पहिलो उपाधी जेसिस स्कुलले प्राप्त गरेको छ ।
नृत्य निर्देशक संघ नेपाल (डिडान) चन्द्रागिरि समितिले तेस्रो शृङ्खला अन्तर्गत आयोजना गरेको तीज विशेष, तीज नृत्य प्रतियोगिता २०८२ को अन्तिम प्रतिस्पर्धा अर्थात “फाईनल” यहि श्रावण २४ गते शनिबार सम्पन्न भएको हो ।
त्रिशक्ति ब्याङ्क्वेट गुर्जुधारामा भएको उक्त तीज नृत्य प्रतियोगिता समापन कार्यक्रममा विविध मनोरञ्जनात्मक प्रस्तुतिहरूसहित विजयी टिमहरूलाई विशेष पुरस्कारले सम्मानित गरिएको नृत्य निर्देशक संघ चन्द्रागिरिका अध्यक्ष आइत सिङ मगर ( कृष्ण राना मगर) ले जानकारी दिएका छन् ।
कुल १६ ओटा विद्यालयको सहभागिता रहेको चन्द्रागिरि नगरस्तरीय तीज प्रतियोगितामा जेसिस स्कुलले दोस्रोपटक पनि “डिडान चन्द्रागिरि तीज नृत्य” प्रतियोगिताको उपाधी हात पारेको हो ।
तीज नृत्य प्रतियोगिता २०८२ अन्तर्गत ब्राइट फ्युचर स्कुल दोस्रो, प्याराडाइज रिडर्स एकेडेमी तेस्रो तथा बेसिक लर्निङ स्कुलले चौथो स्थान हात पारेका छन् ।
