काठमाडौँ । पुण्यदय बहुउद्देश्यीय सहकारी संस्थाको ९ औं वार्षिक साधारण सभा हुने भएको छ ।
संस्थाको संचालक समितिको बैठकको निर्णय अनुसार असोज ३ गते शुक्रबार बिहान १०:३० बजेदेखि चन्द्रागिरि नगरपालिकाको वडा नं ४ स्थित त्रिभुवन पार्कसँगै रहेको ड्रिम ब्यान्क्वेटमा साधारण सभा हुन लागेको हो ।
पुन्योदय सहकारी संस्थाका अध्यक्ष सानुकाजी खड्गीले दिएको जानकारी अनुसार ९ औं वार्षिक साधारण सभाले वार्षिक कार्यक्रम तथा बजेट स्विकृत गर्ने, वार्षिक लेखा परीक्षण प्रतिवेदन अनुमोदन गर्ने, संचालक समिति र लेखा सुपरिवेक्षण समितिको निर्वाचन गरिने, संचालक समिति र लेखा सुपरिवेक्षण वार्षिक प्रतिवेदन पारित गर्ने भएको छ ।
त्यस्तै, विनियम संशोधन, संस्थाको ठेगाना परिवर्तन, शेयर पूँजी वृद्धि, लेखापरीक्षकको नियुक्ति र निजको पारिश्रमिक निर्धारण, कर्मचारीहरूको पारिश्रमिक लगायत सुविधा तोक्ने, संस्थाद्धारा संचालन गर्ने परियोजनाका विषयमा छलफल गर्ने तथा संस्थाले कर्जा लिने लगायत विविध विषयमा केन्द्रित रहेर साधारण सभा आव्हान गरिएको पुण्योदय सहकारी संस्थाका सचिव देवकृष्ण महर्जनले जानकारी दिएका छन् ।
