काठमाडौँ । रौतहटको गौर नगरपालिका वडा नं ९ मुडवलवा नजिक सुटकेसभित्र मृत अवस्थामा भेटिएकी रुवि साहको हत्या प्रकरणमा संलग्न भएको भनिएका लक्ष्मण पासवानको उपचारका क्रममा मृत्यु भएको छ ।
विज्ञापन
माधव नारायण नगरपालिका–६ स्थित नहर अगाडि आज बिहान करिब ८ बजे पासवानले आफ्नै शरीरमा पेट्रोल हालेर आगो लगाएका थिए ।
विज्ञापन
आत्मदाह प्रयास गरेका पासवान आगोले जलेर नराम्ररी घाइते भएपछि गरुडा बेटर अस्पतालमा उपचार गरिएको तर त्यहाँ उपचार सम्भव नभएपछि कीर्तिपुरस्थित बर्न अस्पतालमा उपचारका क्रममा उनको मृत्यु भएको प्रहरीले जनाएको छ ।
गत शनिबार राति रुवि साहको शव सुटकेसभित्र फेला परेपछि यस प्रकरणमा लक्ष्मण पासवानमाथि मुख्य संलग्नताको आरोप लागेको थियो ।
