काठमाडौं । प्रहरीले करिब ४ करोड रुपैयाँ बरामद गरेको छ । गोंगबु क्षेत्रको एक घरमा छापा मार्दा ठूलो परिमाणमा नगद रकम तथा सुन फेला पारेको प्रहरीले जनाएको छ । अवैध रूपमा लुकाइएको रकम रहेको सूचनाको आधारमा प्रहरीले सो स्थानमा छापा मारेको हो।
विज्ञापन
मंगलबार संयुक्त रूपमा उपत्यका प्रहरी कार्यालय, रानीपोखरी र जिल्ला प्रहरी परिसर, काठमाडौँको टोलीले सो घरमा छापा मारेको थियो। प्रहरीका अनुसार छापाको क्रममा गोरखा स्थायी घर भएका विनोद श्रेष्ठलाई पक्राउ गरिएको छ।
विज्ञापन
अवैध सम्पत्ति तथा रकम कारोबारसम्बन्धी शंका गरिएको यस घटनाले राजधानीमा बढ्दो अवैध वित्तीय क्रियाकलापप्रति सुरक्षा निकायको ध्यानाकर्षण भएको देखिन्छ।
