काठमाडौँ । जेन-जीको आन्दोलनका क्रममा हिजो भएको प्रदर्शनका क्रममा घटेको घटनाप्रति सामुदायिक क्याम्पस संघले शोक व्यक्त गरेको छ ।
हिजो एक शोक वक्तव्य मार्फत सामुदायिक क्याम्पस संघले नेपालमा घटेको दर्दनाक घटनाबाट दर्जनौं नेपाली युवाको असामयिक निधन भएको खबरले सम्पूर्ण शैक्षिक क्षेत्रमा गहिरो शोक छाएको साथै यस दुःखद राष्ट्रिय दुर्घटनामा नेपाल पब्लिक क्याम्पस संघ स्तब्ध र शोकाकुल बनेको जनाएको हो ।
यस सन्दर्भमा क्याम्पस संघले दिवंगत आत्माको चिरशान्तिको कामना गर्दै शोकसन्तप्त परिवारजनप्रति हार्दिक समवेदना व्यक्त गर्दै घाईतेहरूकाे शिघ्र स्वास्थ्य लाभकाे कामना समेत गरेको छ ।
त्यस्तै, क्याम्पस संघले घटनाद्वारा सिर्जित शोकलाई राष्ट्रिय क्षतिका रूपमा ग्रहण गर्दै आफ्ना सम्पूर्ण सदस्य सामुदायिक क्याम्पसका क्याम्पस प्रमुखहरूलाई दिवंगत नेपाली युवाहरूको स्मृतिमा आज सम्पूर्ण पठनपाठन बन्द गरि एकदिन शाेक दिवस तथा श्रद्धाञ्जली अर्पण गर्न अनुरोध गरिएको नेपाल सामुदायिक क्याम्पस संघका केन्द्रिय अध्यक्ष शत्रुघ्न प्रसाद गुप्ताले जानकारी दिएका छन् ।
