काठमाडाैं । जेन-जी पुस्ताद्वारा भदौ २३ र २४ गते भएको आन्दोलन, प्रदर्शनका क्रममा गैरकानुनी गतिविधिमा संलग्नलाई कार्वाही गरिने भएको छ ।
आन्दोलनका क्रममा काठमाडौ लगायत मुलुकका विभिन्न भागमा भएका भौतिक एवं मानवीय क्षतिको यथार्थ छानविन गरी प्रतिवेदन पेश गर्न जाँचबुझ आयोग गठन भई कार्य प्रारम्भ गरिसकेको अवस्थामा उक्त छानबिन आयोगलाई भौतिक एवं मानवीय क्षतिसँग सम्बन्धित सूचना वा निवेदन ग्रहण गरी विश्लेषण गर्ने र कारवाहीको सम्बन्धमा आवश्यक राय दिने समेतको कार्यादेश रहेको हुँदा आयोगबाट सो कार्यदिश बमोजिम राय सहितको प्रतिवेदन प्राप्त भएपश्चात् नेपाल सरकारले कानून अनुसार प्रक्रिया अगाडि बढाइने भएको हो ।
गृह मन्त्रालयका अनुसार आयोगको कार्यक्षेत्रमा रहने विषयमा सरकारका नियमित संयन्त्रबाट तत्काल कारवाही अगाडी नबढाइने तर गैर कानूनी रुपमा भएका र हुने गतिविधिमा कानून अनुसार कारवाही हुने बताइएको छ ।
