काठमाडाैं । परिश्रमी बचत तथा ऋण सहकारी संस्थाको वार्षिक साधारण सभा कार्तिक १ गते हुने भएको छ ।
चन्द्रागिरि नगरपालिका वडा नं ३ थानकोटमा कार्यालय रहेको परिश्रमी सहकारी संस्थाको १७ औं वार्षिक साधारण सभा मंगलोदय माध्यामिक विद्यालयको प्राङ्गणमा कार्तिक १ गते शनिबार बिहान १०:३० बजेदेखि सुरु हुने सो संस्थाका अध्यक्ष विष्णु प्रसाद शाहीले बताएका छन् ।
संस्थाको संचालक समितिको श्रावण १७ गते बसेको बैठकको निर्णय अनुसार १७ औं वार्षिक साधारण सभामा वार्षिक कार्यक्रम तथा बजेट स्विकृत गर्ने, वार्षिक लेखा परीक्षण प्रतिवेदन अनुमोदन गर्ने, संचालक समिति र लेखा सुपरिवेक्षण वार्षिक प्रतिवेदन पारित गर्ने भएको हो ।
यसअघि सो संस्थाको साधारण सभा असोज ११ गते गर्ने भनिएपनि जेन-जी आन्दोलनले सिर्जना गरेको विषम परिस्थितिका कारण कार्तिक १ गते सारिएको संस्थाका सचिव विपिन शाहीले जानकारी दिएका छन् ।
