काठमाडौँ — इन्टरनेसनल मार्शल आर्ट्स एकेडेमीको आयोजनामा सम्पन्न पाँचौँ नेपाल ओपन अन्तर्राष्ट्रिय तेक्वान्दो प्रतियोगिता शनिबार र आइतबार कीर्तिपुरस्थित त्रिवि स्मृति भवनमा भव्य रूपमा सम्पन्न भएको छ।
युवा तथा खेलकुदमन्त्री बब्लु गुप्ताले उद्घाटन गरेकाे यस प्रतियोगितामा नेपाल, भारत, बंगलादेश, श्रीलंका, भुटान र मलेसियासहित ६ राष्ट्रका ४५० खेलाडीले सहभागिता जनाएका थिए। प्रतियोगिता निर्देशक तथा आयोजक अध्यक्ष राकेश राइका अनुसार प्रतियोगितामा क्योरोगी र पुम्से गरि ५६ स्पर्धा समावेश गरिएको थियो।
नेपालको प्रतिनिधित्व गर्दै थानकोटस्थित शोणितपुर डोजाङले उत्कृष्ट प्रदर्शन गर्दै ११ स्वर्ण, ७ रजत र ३ कास्य पदक जितेर उल्लेखनीय सफलता हात पारेको छ।
शोणितपुर डोजाङको यो सफलताले राष्ट्रिय स्तरमा मात्र नभई अन्तर्राष्ट्रिय स्तरतर्फ पनि नेपाली तेक्वान्दोको क्षमताको प्रभावशाली उपस्थिति देखाएको छ।
