काठमाडौँ । वाणिज्य, आपूर्ति तथा उपभोक्ता संरक्षण विभागले होटल तथा रेस्टुरेन्टहरुलाई तोकिएको अधिकतम खुद्रा बिक्री मूल्य (एमआरपी) भन्दा बढी मूल्य लिएर पिउने पानी बिक्री नगर्न कडा निर्देशन दिएको छ ।
विज्ञापन
पछिल्लो समय होटल तथा रेस्टुरेन्टहरुले सिलबन्दी गरिएको प्रशोधित पिउने पानी (मिनरल वाटर) मा उपभोक्तासँग मनपरी मूल्य लिने गरेको व्यापक गुनासो आएपछि विभागले सोमबार विज्ञप्ति जारी गर्दै यस्तो चेतावनी दिएको हो ।
यदि कुनै व्यवसायीले एमआरपी भन्दा बढी मूल्य लिएको पाइएमा उपभोक्ता संरक्षण ऐन, २०७५ तथा नियमावली, २०७६ अनुसार कारबाही गरिने विभागले चेतावनी दिएको छ ।
विज्ञापन
