काठमाडाैं । पूर्वमन्त्री तथा बागमती प्रदेश सभा सदस्य रमा आलेमगरको कलेजोको नसा सम्बन्धि शल्यक्रिया सफल भएको र हाल उनलाई वार्डमा सारिएको छ ।
विगत केहि समयदेखि पेटको समस्याले पिरोलिएकी आलेमगरको कलेजोमा समेत समस्या देखिएपछि थप उपचारका लागि भारतको दिल्लीस्थित मेदान्त अस्पतालमा कलेजोको नसा सम्बन्धि सफल शल्यक्रिया सम्पन्न भएको र हाल उनलाई आईसियुबाट वार्डमा सारिएको उनका भाइ संजितले शोणितपुर खबरलाई जानकारी दिएका छन् ।
प्राप्त जानकारी अनुसार साम्सद रमा आलेमगरको खुम्चिएको कलेजोको नसा सक्रिय बनाउन शल्यक्रिया गरिएको र थप १५ दिन जति आवश्यक औषधि चलाएर कलेजो प्रत्यारोपण गर्ने प्रक्रिया थाल्ने बताइएको छ ।
रमा आलेमगरका भाइ संजितका अनुसार प्रारम्भिक कलेजोको नसा सम्बन्धि शल्यक्रिया पश्चात् हाल रमा आलेमगरको स्वास्थ्यमा धेरै राम्रो सुधार आएको र सम्भवत: दुई हप्तापछि कलेजो प्रत्यारोपण गर्नेगरि चिकित्सकहरूले प्रक्रिया अगाडि बढाएको बुझिएको छ ।
