चन्द्रागिरि । काठमाडौं महानगरपालिका वडा नं २६ पवित्रनगर गेट अगाडि पार्किङ गरेको अवस्थामा हराएको गाडी चन्द्रागिरि नगरपालिकास्थित गुर्जुधारा चोकको सिसि टिभीमा देखिएको प्रहरीले जनाएको छ ।
मकवानपुर जिल्ला, हेटौंडा उप-महानगरपालिका वडा नं १७ को सन्तोष थापा मगरको बंगुर फर्मको ना ३ च ७१७५ नम्बरको सेतो रंगको महिन्द्र गाडी मंसिर २४ गते साँझ ६:३० बजेदेखि ७ बजेसम्मको समयमा सामान अनलोड गरि पार्किङ गरि राखेको अवस्थामा गोंगबुबाट हराएको र खोजतलास गर्ने क्रममा गुर्जुधाराको सिसि टिभीमा देखिएको बताइएको छ ।
सवारी धनी सन्तोष थापा मगरका अनुसार हराएको गाडी गुर्जुधारास्थित सिसि टिभीमा देखिएको भएपनि निर्माणाधीन नागढुङ्गा सुरुङ्ग मार्गको फ्लाई ओभर सडक क्षेत्रबाट पार भएको नदेखिएकोले उक्त गाडी चन्द्रागिरिको कुनै अर्कै नाकाबाट लगिएको वा सोही क्षेत्र वरपर हुनसक्ने भन्दै प्रहरीले खोजी कार्यलाई तीव्रता दिएको जनाएको छ ।
