काठमाडाैं । एक लाख घुस लिएको आरोपमा नापी कार्यालय पर्साका कार्यालय सहयोगीसहित दुई जना विरुद्ध भ्रष्टाचार मुद्दा दर्ता भएको छ।
विज्ञापन
अख्तियार दुरुपयोग अनुसन्धान आयोगले शुक्रबार नापी कार्यालय पर्साका सर्भेक्षक राम प्रमोद राउत र कार्यालय सहयोगी अरुणप्रसाद उपाध्यायविरुद्ध विशेष अदालत, काठमाडौँमा मुद्दा दर्ता गरेको हो। छूट जग्गा दर्ता गर्नका लागि सेवाग्राहीसँग घुस लिएको देखिएकाले भ्रष्टाचार मुद्दा दर्ता गरिएको अख्तियारका सहायक प्रवक्ता गणेशबहादुर अधिकारीले जनाएका छन्।
विज्ञापन
अख्तियारको टोलीले मंसिर २ गते उनीहरूलाई नियन्त्रणमा लिएको थियो।
दुवै जनाले वीरगन्ज महानगरपालिका-२५ स्थित जग्गा छुट दर्ता गर्न सहजिकरण गर्न घुस लिएको पाइएको अख्तियारको दाबी छ।
उनीहरू दायर गरेको अभियोगपत्रमा एक लाख रुपैयाँ बिगो दाबी गरिएको छ।
