काठमाडाैं । जेन-जी आन्दोलनका क्रममा ज्यान गुमाएका व्यक्तिहरूको तस्बिर समेटेर कलाकार रविन्द्र श्रेष्ठले तयार पारेको पेन्टिङहरूको संसद भवन अगाडि विशेष प्रदर्शन गरिएको छ ।
विज्ञापन
जेन-जी आन्दोलनसँग जोडिएका घटनालाई पेन्टिङ मार्फत दीर्घकालसम्म स्मरणीय बनाउने उद्देश्यका साथ सार्वजनिक स्थलमा राख्न मिल्ने गरी निर्माण गरिएको पेन्टिङले आन्दोलनका क्रममा ज्यान गुमाएकाहरूको बलिदानलाई सम्मान गर्ने प्रयास गरेको बताइएको छ ।
विज्ञापन
संसद भवन अगाडि राखिएको पेन्टिङ अवलोकन गर्न आउने सर्वसाधारणहरूले श्रद्धाञ्जलिस्वरूप पेन्टिङहरूमा फूल अर्पण गर्नुका साथै आफ्ना भावना शब्दमार्फत व्यक्त गरिरहेका छन् ।
श्रेष्ठद्वारा तयार गरिएको पेन्टिङले जेन-जी आन्दोलनप्रति जनभावना र स्मृतिलाई अझ जीवन्त बनाएको अवलोकनकर्ताहरूले जनाएका छन् ।
