काठमाडौं । चन्द्रागिरि नगरपालिकामा पहिलो पटक नगरस्तरीय बाँसुरी बाजा सम्मेलनको आयोजना हुनेभएको छ ।
विज्ञापन
सतुंगल बाजा तथा संस्कृति संरक्षण एवं व्यवस्थापन समितिको आयोजनामा माघ ३ गते शनिबार बिहान ११ बजेदेखि सतुंगलको लाछिटोलमा पहिलो चन्द्रागिरि नगरस्तरीय बाँसुरी बाजा सम्मेलन हुन लागेको हो ।
विज्ञापन
चन्द्रागिरि नगरपालिका साँस्कृतिक सम्पदाको शहरका रूपमा प्राचीन समयदेखि विशिष्ट रहिआएको । सोही सन्दर्भमा नगरभित्रका विभिन्न जाती, समुदायहरूको परम्परागत मौलिक प्रचलन तथा जात्रा, पर्वहरूमा बजाइने बाजागाजाको संरक्षण गर्न साथै आधुनिक वाद्यवादनको समेत विकास र व्यावसायिकता वृद्धि गर्दै नयाँ पुस्तामा सीप हस्तान्तरण गर्ने उद्देश्यले बाँसुरी बाजा सम्मेलन गर्न लागिएको आयोजकले जानकारी दिएको छ ।
