काठमाडौं । नेपाली कांग्रेसको काठमाडौंमा जारी विशेष केन्द्रीय महाधिवेशन अन्तर्गत नयाँ केन्द्रीय कार्यसमितिको निर्वाचनका लागि प्रक्रिया अघि बढेको छ।
सीताराम केसी नेतृत्वको निर्वाचन समितिको बैठकले काठमाडौंको भृकुटीमण्डपमा सम्पन्न हुने गरी मंगलबार निर्वाचन तालिका सार्वजनिक गरेको छ ।
यो निर्वाचन नेपाली कांग्रेसको विधान २०७९ (संशोधनसहित), नियमावली २०८४ तथा विशेष केन्द्रीय महाधिवेशन कार्यविधि २०८२ बमोजिम सञ्चालन हुने केसीले बताएका छन् ।
यस्तो छ निर्वाचन कार्यतालिका
प्रथम मतदाता नामावली प्रकाशन → बिहान १२:३० बजेदेखि
मतदाता नामावलीमा दाबी विरोध तथा छानबिन → १२:३० देखि १:३० बजेसम्म
अन्तिम मतदाता नामावली प्रकाशन → दिउँसो १४:०० बजे
उम्मेदवारी मनोनयन दर्ता → दिउँसो १४:०० देखि १५:०० बजेसम्म
उम्मेदवारको नेपाली वर्णानुक्रम अनुसार प्रथम नामावली प्रकाशन → दिउँसो १६:३० बजे
उम्मेदवारीमा दाबी विरोध → दिउँसो १:३० देखि ३:०० बजेसम्म
दाबी विरोधको छानबिन → अपराह्न १६:३० देखि १७:०० बजेसम्म
उम्मेदवारी मनोनयन फिर्ता → दिउँसो १७:३० देखि १९:०० बजेसम्म
अन्तिम उम्मेदवार नामावली प्रकाशन → राति २०:४५ बजे
मतदान सुरु → बिहान २१:०० देखि १:०० बजेसम्म (मिति २०८२ पुस ३० गते)
मतगणना तथा परिणाम घोषणा → मतदान समाप्त भएपछि तुरुन्त
निर्वाचन समितिले आवश्यकता अनुसार यो तालिकामा संशोधन गर्न सक्ने जनाएको छ ।
