काठमाडौं । आगामी फागुन २१ गते हुने प्रतिनिधि सभा सदस्य निर्वाचनका लागि निर्वाचन आयोगले आफ्नो कार्यतालिकालाई तीव्रता दिएको छ । आयोगले आज बिहीबार उम्मेदवारहरूको नामावली प्रकाशन गर्ने तयारी पुरा गरेको छ ।
विज्ञापन
आयोगका अनुसार बुधबार बिहान १० बजेदेखि दिउँसो ३ बजेसम्म उम्मेदवारहरूको योग्यतासम्बन्धी दाबी-विरोध र उजुरी लिने समय निर्धारण गरिएको थियो । प्राप्त उजुरीहरूउपर हिजो साँझ नै प्रारम्भिक छानबिन सम्पन्न भइसकेकाले आज साँझ ५ बजेदेखि ७ बजेभित्र उम्मेदवारहरूको नामावली प्रकाशन गरिने आयोगले जनाएको छ ।
विज्ञापन
आयोगको पछिल्लो तथ्यांक अनुसार यसपटक प्रतिनिधि सभाका लागि देशभरबाट कुल ३ हजार ४ सय ८६ जनाले उम्मेदवारी दर्ता गराएका छन् । जसमा पुरुषको संख्या ३ हजार ८९, महिला ३ सय ९६ र तेस्रो लिङ्गी एक जना रहेका छन् ।
