काठमाडौं निर्वाचन क्षेत्र नं १० अन्तर्गत राष्ट्रिय स्वतन्त्र पार्टीले निर्वाचन परिचालन समिति घोषणा, उम्मेदवार परिचय तथा पार्टी प्रवेश कार्यक्रम सम्पन्न गरेको छ ।
कीर्तिपुरको ए-वान पार्टी प्यालेसमा आयोजना गरिएको कार्यक्रममा रास्वपाको प्रतिनिधिसभा सदस्यका उम्मेदवार प्रदीप बिष्टले आगामी निर्वाचनमा पार्टीलाई विजयी गराउन काठमाडौं क्षेत्र १० का सम्पूर्ण मतदातालाइ अनुरोध गरेका थिए ।
आसन्न फागुन २१ गते हुने निर्वाचनलाई व्यवस्थित र प्रभावकारी रूपमा अघि बढाउने उद्देश्यले आयोजना गरिएको कार्यक्रममा ५ सय ३५ सदस्यीय निर्वाचन परिचालन समिति घोषणा गरिएको थियो भने विभिन्न राजनीतिक दल परित्याग गर्दै राष्ट्रिय स्वतन्त्र पार्टीमा प्रवेश गर्नेहरूलाई स्वागत समेत गरिएको थियो ।
काठमाडौं निर्वाचन क्षेत्र नं १० मा कीर्तिपुर नगरपालिकाको सबै १० ओटा वडा, दक्षिणकाली नगरपालिकाको सबै ९ ओटा वडा र चन्द्रागिरि नगरपालिकाको १५ मध्ये १० ओटा वडा गरि २९ ओटा वडाहरू पर्दछन् ।
