काठमाडौं । चन्द्रागिरि नगरपालिकाको वडा नं १० मा नगरस्तरिय नाय्: खिं बाजा प्रदर्शन तथा प्रवर्द्धन कार्यक्रम सम्पन्न गरिएको छ ।
चन्द्रागिरि नगरपालिकाको वडा नं १० तथा ह्वाइट क्रियसन ग्रुपको आयोजनामा बोसिगाउँमा सम्पन्न
नेवार समुदायको मौलिक बाजा नाय्: खिं बाजाको प्रदर्शन तथा प्रवर्द्धन कार्यक्रमको उट्घाटन चन्द्रागिरिका मेयर घनश्याम गिरीले गरेका थिए ।
कार्यक्रममा चन्द्रागिरि नगरपालिका वडा नं १० का “आईबीए मेन्स वर्ल्ड बक्सिङ च्याम्पियसिप २०२५” दुबईमा तेस्रो हुन सफल खेलाडी चन्द्र बहादुर थापा र प्रशिक्षक दिपक महर्जनलाई नगद १०, १० हजारसहित सम्मान गरिएको थियो ।
संस्कृति कर्मी, बुद्धिजीवी, खेलाडी, स्थानीय जनप्रतिनिधि लगायतको उपस्थिति रहेको कार्यक्रममा वडा नं १० का वडाध्यक्ष शिवकुमार महर्जनले आयोजकको तर्फबाट अतिथि, सहभागी एवम् उपस्थित सबैलाई स्वागत गरेका थिए ।
