काठमाडाैं । प्रथम ट्यालेन्ट हन्ट २०८२ को आयोजना हुने भएको छ ।
गायन तथा नृत्य सम्बन्धि प्रतिभाको खोजी गर्ने उद्देश्यका डिभाइन क्रेसन काठमाडौंको आयोजना अन्तर्गत पहिलो सेशन सुरु हुन लागेको हो ।
यो नेपाली एकल नृत्य प्रतियोगिताको रियालिटी शो हो जसमा कक्षा १० सम्मका विद्यार्थीले भाग लिन पाउने छन् । त्यस्तै १२ वर्ष मुनिको जुनियर समुह र १३ वर्षदेखि माथिको सिनियर समुहमा विभाज गरी प्रतियोगिताको आयोजना गरिएको छ ।
ग्राउण्ड अडिसन, मेगा अडिसन, सेमी फाईनल र ग्रान्ड फाईनल गरी ४ समुह विभाजन गरी कार्यक्रम आयोजना गरिन लागिएको हो ।
फाईनलमा प्रवेश गर्ने प्रतिस्पर्धीहरूलाई विभिन्न शिर्षकमा पुरस्कारको व्यवस्था गरिएको छ भने उत्कृष्ट १० जनालाई छुट्टै पुरस्कारको पनि व्यवस्था गरिएको आयोजकले जनाएको छ ।
यस प्रतियोगिताको फाइनल खेल भने यहि माघ २४ गते कीर्तिपुरस्थित त्रिभुवन विश्वविद्यालयको अडिटोरियम हलमा हुन लागेको छ ।
