काठमाडौं निर्वाचन क्षेत्र नं १० अन्तर्गत राष्ट्रिय प्रजातन्त्र पार्टीको तर्फबाट प्रत्यक्षतर्फ उम्मेदवार बनेका बलराम थापा वैचारिक तथा प्रभावशाली नेताका रूपमा परिचित छन् ।
सामाजिक गतिविधि, खेलकुद क्षेत्र लगायत विविध बहुआयामिक विधामा योगदान पुर्याएका थापा राजनीतिमा समेत प्रभावशाली र गतिशील पात्र हुन् ।
२०३२ सालमा दक्षिणकाली -६ मा जन्मिएका थापा एक समाजसेवी र राष्ट्रप्रेमी व्यक्ति हुन् । जसले आफ्नो जीवन समाज सुधार र राष्ट्र विकासका लागि समर्पित गर्दै आएका छन् भने फुटबलमा अन्तर्राष्ट्रिय स्तरको मान्यता प्राप्त, सहायक रेफ्री (FIFA) का रुपमा २०१३ देखि २०१६ सम्म सक्रिय रहेका खेल प्रशिक्षक समेत हुन् ।
उनले विगतमा दक्षिणकाली परोपकार युवा क्लबको अध्यक्षको रूपमा भूमिका निर्वाह गर्दै त्यस अवधिमा खेलकुदको संरक्षण तथा युवा पुस्ताका लागि प्रेरणादायी कार्यहरू गर्दै आइरहेका छन् । साथै, थापाले वडा नागरिक मञ्चको प्रमुख संकलक र संयोजकको रुपमा सामाजिक कल्याण एवं समाज विकासमा महत्वपूर्ण भूमिका निर्वाह गर्दै सदाचार, इमानदारी र परिणाममुखी सोचलाई आधार बनाएर कार्य गर्दै आएको इतिहास छ । त्यस्तै, उनी नेपाल रेडक्रस सोसाइटी फर्पिङको आजिवन सदस्यको रूपमा पनि आवद्ध छन् ।
सामाजिक गतिविधि, खेलकुद क्षेत्र लगायत विविध बहुआयामिक विधामा योगदान पुर्याएका थापा राजनीतिमा समेत प्रभावशाली र गतिशील पात्र हुन् ।
२०७९ सालमा पनि राष्ट्रिय प्रजातन्त्र पार्टीको तर्फबाट थापाले काठमाडौं निर्वाचन क्षेत्र नं १० अन्तर्गत प्रतिनिधि सभा उमेदवार भएर कुल ६ हजार ९ सय ५९ मत ल्याएर चौथो स्थान हासिल गरेका थिए ।
चन्द्रागिरि, दक्षिणकाली र कीर्तिपुरको भूगोल, संस्कृति र यस क्षेत्रको आवश्यकता र प्राथमिकतालाई नजिकबाट बुझेका थापाको प्रमुख चुनावी मुद्दा राष्ट्रको स्थिरता, धार्मिक सद्भाव र ऐतिहासिक परम्परालाई जगेर्ना गर्ने दिशामा केन्द्रित छ ।
