काठमाडौं । डिभाइन क्रियसन काठमाडौंको आयोजनामा भएको अमरावती भ्वाइस आइडल सिजन एकको फाइनल सम्पन्न भएको छ ।
माघ २४ गते त्रिभुवन विश्वविद्यालयको प्रेक्षालयमा सम्पन्न उक्त कार्यक्रमको सभापतित्व संस्थापक अध्यक्ष कृष्ण विराजले गरेका थिए भने प्रमुख अतिथिमा प्रोफेसर डा. ध्रुवेस चन्द्र रेग्मी रहेका थिए ।
ग्राउण्ड अडिसन, मेगा अडिसन र सेमी फाइनल हुँदै फाइनलसम्म आइपुग्दा २७ जना प्रतिस्पर्धीहरू छनोट भएका थिए भने सहभागीहरूलाई कुनै न कुनै शिर्षकमा सबैलाई हात खाली नहुने गरि चरनात्मक ढंगले पुरस्कारको व्यवस्था गरिएको आयोजकले जनाएको छ ।
आइडलको जुनियर समूहमा मण्डला इन्टरनेसनल स्कुलकी प्रेनसा तामाङ प्रथम भएकी थिइन् भने सिनियर समूहतर्फ विज्डम इंगलिस एकेडेमीक कलंकीकी दिव्यानी राउत प्रथम भएकी थिइन् ।
त्यस्तै, उक्त कार्यक्रमा लामो समयदेखि कैयौँ नृत्य प्रशिशकहरूलाई रोजगारी दिलाउने काम गर्दै आएका कृष्ण राना मगर तथा नेपालमा नृत्य विधाबाट एम फिल गर्ने पहिलो महिला श्रृजना राजबाहक द्वयलाइ सम्मान गरिएको थियो।
त्रिभुवन विश्व विद्यालय परिसर कीर्तिपुरमा सम्पन्न सो कार्यक्रममा उद्घोषक अञ्जन थापा मगरले गरेका थिए भने कमल गुरुङ र अगिंना तन्डुकारले निर्णायक मण्डलको भूमिका निर्वाह गरेका थिए ।
