काठमाडौं । बंगलादेशमा बिहीबार सम्पन्न आम निर्वाचनमा बंगलादेश नेसनलिस्ट पार्टी (बीएनपी) ले भारी बहुमत हासिल गरेको छ । झण्डै दुई दशकदेखि सत्ताबाहिर रहेको बीएनपीले यो चुनावी नतिजासँगै सत्तामा शक्तिशाली पुनरागमन गरेको हो ।
विज्ञापन
बीएनपीको यो जितसँगै पूर्वप्रधानमन्त्री बेगम खालिदा जियाका छोरा एवम् पार्टी अध्यक्ष तारिक रहमान बंगलादेशको नयाँ प्रधानमन्त्री बन्ने निश्चित भएको छ । बंगलादेशका कुल ३०० निर्वाचन क्षेत्रमध्ये २९९ सिटमा बिहीबार मतदान भएको थियो । प्राप्त पछिल्लो विवरण अनुसार, गणना सकिएका सिटहरूमध्ये बीएनपीले करिब दुई तिहाइको हाराहारीमा सिट सुरक्षित गर्ने देखिएको छ ।
विज्ञापन
ढाका ट्रिब्युन र द डेली स्टारका अनुसार बीएनपी र उसको गठबन्धनले १५० भन्दा बढी सिटमा जित सुनिश्चित गरिसकेको छ भने बाँकी क्षेत्रमा पनि अग्रता कायम राखेको छ ।
