काठमाडौं । नेकपा एमालेले अध्यक्ष केपी शर्मा ओलीलाई झापा ५ मा मतदान गर्नुपर्ने ३० कारण प्रस्तुत गरेको छ । एमालेको झापा–५ क्षेत्रीय कमिटीले सार्वजनिक गरेको अपिलमा राष्ट्रिय स्वाधीनताको रक्षादेखि शिक्षकदरबन्दी मिलानसम्मका विषयहरु समेटिएको छ ।
विज्ञापन
के.पी. शर्मा ओलीलाई नै भोट किन ?
विज्ञापन
- राष्ट्रिय स्वाधीनताको रक्षा गरी लोकतन्त्रको सुदृढीकरण गर्न।
- विदेशी नाङ्गो हस्तक्षेप अन्त्य गर्न।
- जनताका खोसिएका अधिकार पुनर्बहाली गर्न।
- हाल नेपालीको खस्किएको मनोबल बढाउन ।
- देशमा छाएको त्रासको वातावरण अन्त्य गरी सबै नेपालीलाई शान्तिसुरक्षाको ग्यारेन्टी गर्न।
- भ्रष्टाचार र कुशासनको अन्त्य गर्न।
- मुलुकैभरि र यस झापा क्षेत्र नं. ५ मा सुरु भै हाल रोकिएका र अधुरा रहेका विकास निर्माणका कामहरू पूरा गर्न।
- देशमा रोजगारीको अभिवृद्धि गरी युवालाई रोजगार बनाउन ।
- नवयुवालाई प्राविधिक शिक्षाको अवसर दिलाउन र युवामा सीपमूलक विकास गर्दै स्वरोजगार अभिवृद्धि गर्न।
- सुस्ताएको अर्थतन्त्र चलायमान बनाउन।
- कृषिक्षेत्रको विकास गरी खाद्यान्नमा आत्मनिर्भर बनाउन।
- उद्योगधन्दाको विकास गरी रोजगारी र उत्पादन वृद्धि गर्न।
- निर्माणधीन पूर्व पश्चिम एसियन हाईवे, मध्यपहाडी लोकमार्ग, मदन भण्डारी मार्ग, हुलाकी सडक निर्माण सम्पन्न गर्न।
- दमक-रवि-चिसापानी सडक निर्माण सम्पन्न गरी यस क्षेत्रका जनताको जीवनस्तर उकास्न ।
- नेपाल चीन मैत्री औद्योगिक पार्क निर्माण कार्य सम्पन्न गर्न।
- विस्थापित सडक बालबालिकाहरूलाई पुनर्स्थापना गर्न।
- दमकको विजिनेस टावरलाई सुसञ्चालन गरी यस क्षेत्रको व्यापार र पर्यटन प्रवर्धन गर्न।
- यस क्षेत्रमा बसोवास गर्ने भूमिहीन दलित, सुकुम्बासी तथा अव्यवस्थित बसोवासी जनतालाई जग्गाधनी पूर्जा उपलव्ध गराउन ।
- यस निर्वाचन क्षेत्रका किसानलाई प्रोत्साहन गरी कृषिउपज बढाएर बजारीकरण गर्न।
- दमक, गौरादह र गौरीगञ्ज बजारलाई आधुनिकीकरण गर्दै स्मार्ट सिटिको रूपमा विकास गर्न।
- यहाँका सबै बजारहरूलाई व्यवस्थित गरी उचित व्यावसायिक वातावरण बनाउन।
- रतुवा, मावा, कमल लगायतका खोलाको तटबन्ध कार्य पूरा गर्न।
- जनतालाई दिइँदै आएको स्वास्थ्य विमा सेवा घटाइएकोमा पुनः बढाउन र अझै व्यवस्थित गर्न।
- दमक अस्पतालको स्तरवृद्धि गरी प्रदेश अस्पताल बनाएर जनतालाई स्वास्थ्य सेवा सहज बनाउन।
- कमल, गौरादह, गौरीगञ्ज सबै स्थानीय तहका अस्पताललाई सहज स्वास्थ्य सेवा उपलव्ध गराउन सक्ने बनाउन ।
- दमकको आम्दा अस्पताललाई अझ वढी विशेषज्ञ सेवा उपलव्ध गराउने गरी सुविधासम्पन्न बनाउन सहयोग गर्न।
- यस क्षेत्रका सबै सामुदायिक क्याम्पसहरूलाई भौतिक र शैक्षिक रूपमा सक्षम बनाउन ।
- सबै सामुदायिक विद्यालयका जीर्ण भवनहरू हटाएर वालमैत्री भवन निर्माण गर्न।
- सामुदायिक र संस्थागत विद्यालयविच समन्वयको वातावरण बनाई वालवालिकालाई गुणस्तरीय शिक्षा प्रदान गर्न।
- विषयगत शिक्षक दरवन्दीको व्यवस्था गरी शिक्षाको गुणस्तर अभिवृद्धि गर्न।
- प्रादेशिक आयुर्वेद अस्पतालमा दरबन्दी थप गरी १०० शैय्याको सुविधा सम्पन्न अस्पतालको रुपमा स्तरवृद्धि गर्न।
- साधुहोलीलाई थप व्यवस्थित गर्दै नमूना पर्यटकीय सिमसारको रुपमा स्थापित गर्न।
- कमल नगर अस्पताललाई स्तरोन्नती गर्दै २५ शैय्याको अस्पताल वनाई कमलका जनतालाई स्वास्थ्य सेवा सहज बनाउन।
- रतुवामाई वृक्षारोपण आयोजना अन्तर्गतको वन क्षेत्रमा आम्दानीमुलक फलफूलको विरुवा लगाई यो क्षेत्रलाई फलफूलमा
- आत्मनिर्भर बनाउन।
- आदिवासी रङ्गशालालाई आधुनिक स्तरको रश्शालाको रुपमा निर्माण कार्य सम्पन्न गर्न।
