काठमाडौं । दोस्रो चागा: काठमाडौं जिल्लास्तरीय तेक्वान्दो प्रतियोगितामा शोणितपुर तेक्वान्दो डोजाङ ८ स्वर्णसहित समूह विजेता बनेको छ ।
विज्ञापन
चागा: तेक्वान्दो डोजाङद्वारा आयोजना गरिएको दोस्रो चागा: काठमाडौं जिल्ला स्तरीय तेक्वान्दो प्रतियोगिता २०८२ मा ११ वटा टिम सहभागी थियो । दशरथ रङ्गशालास्थित राष्ट्रिय तेक्वान्दो संघ नेपालको हलमा भएको एक दिने प्रतियोगितामा शोणितपुर तेक्वान्दो डोजाङका खेलाडीहरूले उत्कृष्ट प्रदर्शन गर्दे ८ स्वर्ण , २ रजत पदक आफ्नो पोल्टा पार्दै समूह विजेता बन्न सफल भएको हो ।
विज्ञापन
त्यस्तै, ब्राइट किन्डर वर्ल्ड ६ स्वर्ण, २ रजत, २ कास्यसहित टिम दोस्रो र रिब्स स्कुल ५ स्वर्ण, ३ रजत , २ कास्यसहित टिम तेस्रो भएको छ ।
प्रतियोगिताको विजयी टिम तथा खेलाडीहरूलाई नेपाल चित्रकला संघका उपकुलपति किरण मानन्धरले मेडल तथा प्रमाणपत्र प्रदान गरेका थिए ।
