काठमाडौं । पोखराबाट काठमाडौँतर्फ आउँदै गरेको यात्रुवाहक बस धादिङमा दुर्घटना हुँदा १७ जनाको मृत्यु भएको छ । पृथ्वी लोकमार्गअन्तर्गत धादिङको बेनिघाट रोराङ गाउँपालिका-५ भैँसीगौडामा सोमबार बिहान करिब १ः३० बजे बस त्रिशूली नदीमा खसेको हो ।
विज्ञापन
ग १ ख १४२१ नम्बरको माछापुच्छ्रे ट्राभल्सको बस सडकबाट सिधै नदीमा खस्दा १७ यात्रुको ज्यान गएको सशस्त्र प्रहरी बलले पुष्टि गरेको छ । सशस्त्र प्रहरी बलका प्रवक्ता विष्णुप्रसाद भट्टका अनुसार हालसम्म १७ जनाको शव निकालिएको छ भने दुर्घटनामा २८ जना घाइते भएका छन् ।
विज्ञापन
बसमा चालकसहित ४५ जना सवार रहेको प्रहरीको तथ्याङ्क छ । जसमध्ये ४३ जना पोखराबाट र २ जना मुग्लिनबाट चढेका थिए ।
दुर्घटनाको कारण अझै खुल्न सकेको छैन ।
