काठमाडाैं : नुवाकोटको काहुलेमा भाइको कुटाइबाट दाइको मृत्यु भएको छ । नुवाकोटको किस्पाङ गाउँपालिका ३ काहुले गुन्साका ५२ वर्षीय कामी तामाङको आफ्नै भाइको कुटपिटबाट ज्यान गएको जिल्ला प्रहरी कार्यालय नुवाकोटले जनाएको छ ।
विज्ञापन
आफ्नै भाई ५१ वर्षीय सेलबहादुर तमाङले फागुन २३ गते बेलुकी खाना खाने समयमा दाजुलाई लठ्ठीले टाउकोमा हानेर गम्भीर घाइते बनाएकोमा उपचारको क्रममा अस्पतालमा ज्यान गएको प्रहरी निरीक्षक हरिवोल केसीले जानकारी दिए ।
विज्ञापन
भाइको आक्रमणबाट गम्भीर घाईते भएका तामाङको काठमाडौंस्थित न्युरो अस्पतालमा उपचारका क्रममा मृत्यु भएको केसीले जानकारी दिए । कुटपिटमा संलग्न भाई सेलवहादुरलाई पक्राउ गरि हिरासतमा राखिएको नुवाकोट प्रहरीले जनाएको छ ।
