काठमाडौं । आज सातै प्रदेशमा वर्षा, असिना र हावाहुरीको सम्भावना रहेको मौसम पूर्वानुमान महाशाखाले जनाएको छ ।
विज्ञापन
महाशाखाका अनुसार हाल मधेस, बागमती, गण्डकी, लुम्बिनी, कर्णाली र सुदूरपश्चिम प्रदेशसहित देशका अधिकांश पहाडी तथा हिमाली भू-भागमा पूर्ण बदलीको अवस्था छ । देशका अन्य भू-भागमा पनि सामान्य बदली रहेको र केही स्थानमा छिटपुट वर्षा सुरु भइसकेको छ ।
विज्ञापन
आज दिउँसो देशभरिको आकाश सामान्यदेखि पूर्ण बदली रहने प्रक्षेपण गरिएको छ । कोशी, मधेस, बागमती र गण्डकी प्रदेशका अधिकांश स्थानहरूमा चट्याङ्ग र असिनासहित मध्यम वर्षाको सम्भावना छ ।
यस्तै, लुम्बिनी, कर्णाली र सुदूरपश्चिम प्रदेशका केही स्थानहरूमा तीव्र गतिको हावाहुरीसहित वर्षा हुने देखिएको छ । उच्च पहाडी तथा हिमाली क्षेत्रमा भने हल्कादेखि मध्यम हिमपातको सम्भावना रहेको महाशाखाको बुलेटिनमा उल्लेख छ ।
