काठमाडौं । चन्द्रागिरि नगरपालिका–२ मा नेपाली कांग्रेसका सक्रिय तथा प्रभावशाली नेता मानिएका अधिवक्ता रञ्जित घिमिरे राष्ट्रिय स्वतन्त्र पार्टी (रास्वपा) मा प्रवेश गरेका छन्। लामो समयदेखि नेपाली कांग्रेसको संगठन निर्माण तथा स्थानीय राजनीतिक गतिविधिमा सक्रिय रहेका घिमिरेको दल परिवर्तनलाई चन्द्रागिरि–२ को राजनीतिमा अर्थपूर्ण रूपमा हेरिएको छ।
स्थानीय तहमा कांग्रेसको ‘खम्बा’का रूपमा चिनिएका घिमिरे रास्वपामा प्रवेश गरेसँगै चन्द्रागिरि–२ को राजनीतिक समीकरणमा नयाँ चर्चा सुरु भएको छ। रास्वपाले भने घिमिरेको आगमनले पार्टी संगठन थप मजबुत हुने विश्वास व्यक्त गरेको जनाएको छ।
यद्यपि, घिमिरेले पार्टी परिवर्तन गर्नुको कारणबारे औपचारिक धारणा सार्वजनिक भएको छैन। स्थानीय राजनीतिक वृत्तमा भने यस घटनालाई आगामी राजनीतिक समीकरणसँग जोडेर हेरिएको छ।
उनी आज भएको एक कार्यक्रममा पार्टी प्रवेश गरेको नगर सचिव मधुकर बस्नेतले जानकारी दिए ।
