काठमाडाैं । बागमती प्रदेश सरकार, युवा तथा खेलकुद मन्त्रालय र प्रदेश खेलकुद विकास परिषदको आयोजनामा प्रदेशस्तरीय राष्ट्रपति रनिङ शिल्ड छनौट प्रतियोगिता–२०८३ आगामी जेठ १३ देखि १५ गतेसम्म सञ्चालन हुने भएको छ।
प्रतियोगितामा विभिन्न खेलका उत्कृष्ट खेलाडीहरू चयन गरिनेछ र उनीहरूले आगामी राष्ट्रिय स्तरको प्रतियोगितामा भाग लिन अवसर पाउने छन्।
प्रतियोगिता अन्तर्गत खेल र खेल हुने स्थानहरू यस प्रकार छन्:
खेल तथा खेल हुने स्थान
कराते
कराते महासंघ हल, सातदोबाटो, ललितपुर
तेक्वान्दो
तेक्वान्दो संघ हल, सातदोबाटो, ललितपुर
उसु
रा.खे.प सेमी कभर्डहल, त्रिपुरेश्वर, काठमाडौं
भलिबल
जावलाखेल भलिबल प्रशिक्षण केन्द्र, जावलाखेल, ललितपुर
कबड्डी
Earthquake Memorial Multi Purpose Covered Hall, का.म.न.पा–१५, काठमाडौं
एथलेटिक्स
दशरथ रंगशाला, त्रिपुरेश्वर, काठमाडौं
प्रदेश खेलकुद विकास परिषदका अनुसार, प्रतियोगितामा सहभागिता जनाउने खेलाडीहरूको सुरक्षा र व्यवस्थापनलाई प्राथमिकता दिइएको छ। सहभागीहरूले स्वास्थ्य सुरक्षा नियमहरू पालन गर्नुपर्नेछ।
प्रतियोगिता प्रदेशस्तरमा खेल प्रतिभा पहिचान गर्ने ठूलो अवसरका रूपमा रहेको छ र यसले युवा खेलाडीहरूको प्रोत्साहन र क्षमता विकासमा मद्दत पुर्याउने विश्वास गरिएको ।
