काठमाडाैं । चन्द्रागिरि–थानकोटस्थित प्राथमिक अस्पतालमा बिरामी भर्ना कक्ष तथा अन्य आवश्यक सामग्री सहयोग गर्नुहुने Better World Korea का प्रतिनिधिहरूप्रति अस्पताल प्रशासन तथा स्थानीय सरोकारवालाहरूले धन्यवाद व्यक्त गरेका छन्।
अस्पतालको सेवा प्रवाहलाई थप प्रभावकारी बनाउन बिरामी भर्ना कक्षका लागि आवश्यक सामग्री तथा अन्य सहयोग उपलब्ध गराएकोमा कृतज्ञता व्यक्त गर्दै आगामी दिनमा अस्पतालको स्तरोन्नतिका लागि समेत सहकार्य र सहयोगको अपेक्षा गरिएको छ।
यसैबीच, अस्पतालको विकास तथा सेवा विस्तारमा सहकार्य गर्ने प्रतिबद्धतासहित सहयोग समन्वयमा भूमिका निर्वाह गरेको रुद्र बहादुर स्मृति प्रतिष्ठान किर्तिपुर लाई पनि विशेष धन्यवाद ज्ञापन गरिएको छ। प्रतिष्ठानले आगामी दिनमा प्राथमिक अस्पताल थानकोटको स्तरोन्नति तथा स्वास्थ्य सेवा सुधारका क्षेत्रमा निरन्तर सहयोग गर्ने प्रतिबद्धता जनाएको बताइएको छ।
