काठमाडौं । नेपाल पत्रकार महासंघले सरकारी सूचना तथा विज्ञापन राज्य नियन्त्रित सञ्चारमाध्यमलाई मात्र दिने निर्णयको विरोध गर्दै देशभरका सञ्चारमाध्यमलाई जेठ १४ गते ‘कालो’ प्रकाशन गर्न आह्वान गरेको छ ।
विज्ञापन
महासंघद्वारा जारी विज्ञप्तिमा उक्त निर्णयलाई प्रेस स्वतन्त्रता विरोधी, स्वेच्छाचारी र विभेदकारी भन्दै निजी तथा सामुदायिक सञ्चारमाध्यमको दिगोपन र श्रमजीवी पत्रकारको पेसागत सुरक्षामाथि गम्भीर असर पर्ने उल्लेख गरिएको छ ।
विज्ञापन
महासंघले सरकारद्वारा पत्रकारमाथि निगरानी, त्रास सिर्जना र समाचार संकलनमा अवरोध गरेको आरोपसमेत लगाएको छ ।
त्यस्तै, महासंघले विवादित निर्णय खारेजीको माग गर्दै चरणबद्ध आन्दोलन जारी राखेको जनाएको छ ।
