![](https://shonitpurkhabar.com/wp-content/uploads/2024/07/CHUNDEVI-1915X192.jpg)
काठमाडौं । चन्द्रागिरि नगरपालिका प्रथम गोदावरी मेयर कप फुटबल प्रतियोगिताको सेमीफाइनलमा प्रवेश गरेको छ ।
शुक्रबार सम्पन्न प्रतियोगिताको दोश्रो क्वाटरफाइनल खेलमा नागार्जुन नगरपालिकामाथि ४-० गोलको अन्तरले पराजित गरेको छ ।
चन्द्रागिरि नगरपालिकाले सेमिफाइनल खेल ललितपुरको महालक्ष्मी नगरपालिकासँग खेल्ने छ ।
आज भएको पहिलो क्वाटरफाइनल खेलमा महालक्ष्मीले दक्षिणकाली नगरपालिकालाई २-० ले हराएको थियो। सेमीफाइनल खेल बैशाख २५ गते मंगलबार हुनेछ ।
प्रतियोगिता अन्तर्गत भोलि शनिबार दुइ क्वाटरफाइनल खेल हुनेछन् । पहिलो मध्यान्ह १२ः३० बजे मध्यपुर थिमी नगरपालिका र कीर्तिपुर नगरपालिकाबीच तेस्रो क्वाटरफाइनल खेल हुने तालिका रहेको भने दोस्रो खेल गोदावरी नगरपालिका बी टिम र काठमाडौं महानगरबीच दिउँसो ३ः३० बजे हुनेछ ।
ललितपुरको गोदावरी नगरपालिका-१० टाहाखेलमा जारी प्रतियोगितामा काठमाडौं, ललितपुर र भक्तपुर जिल्लाका १३ स्थानीय तह र आयोजकका दुई टिम गरी विभिन्न १५ टिमले सहभागिता जनाएको आयोजक गोदावरी नगरपालिकाले जनाएको छ ।
बैशाख २९ गतेसम्म सञ्चालन हुने प्रतियोगिताको विजेताले ५ लाख र दोस्रोले ३ लाख रुपैयाँ पाउने छन् ।
यस्तै अनुशासित टिमलाई ५० हजार तथा उत्कृष्ट गोलकिपर, डिफेन्डर, फरर्वाड, सर्वाधिक गोलकर्ता र उत्कृष्ट प्रशिक्षकले जनही २५ हजार रुपैयाँ प्राप्त गर्नेछन् ।
![](https://shonitpurkhabar.com/wp-content/uploads/2024/05/2-1-1024x504.jpg)