श्रावण १३/काठमाडौं
काठमाडौं सुदूरपश्चिम समाजवादी सम्पर्क मञ्च गठन हुने भएको छ। सुदूरपश्चिम प्रदेशमा घर भई विभिन्न कामको सिलसिलामा काठमाडौँमा बस्ने सुदूरपश्चिमबासीहरूलाई संगठनमा जोड्दै आइपर्ने समस्या समाधान गर्ने उद्देश्यले सम्पर्क मञ्च गठन गर्न लागिएको हो ।कम्युनिष्ट आस्था, विचार वा समाजवाद प्रति विश्वास गर्ने सुदूरपश्चिमेलीहरू काठमाडौँमा असंगठित रहेको बताउँदै संगठित गर्न मञ्च गठन गर्न लागिएको अखिल नेपाल विद्यार्थी युनियन (समाजवादी ) का महासचिव प्रकाश सीले जानकारी दिए।
सोमबार प्रदशनीमार्गस्थित वाल्मिकी क्याम्पसमा हुने काठमाडौँ-सुदूरपश्चिम समाजवादी सम्पर्क मञ्चको प्रथम भेलालाई नेपाल कम्युनिष्ट पार्टीका स्थायी समिति सदस्य तथा सुदूरपश्चिम प्रदेश इन्चार्ज भरत सीले सम्बोधन गर्ने जनाइएको छ। सुदूरपश्चिम घर भई काठमाडौँ बस्ने सम्पुर्ण सुदूरपश्चिमबासीहरूलाई कार्यक्रममा सहभागी हुन समेत आयोजकले आव्हान गरेको छ।
