श्रावण २५/बुटवल
नेपाल कम्युनिष्ट पार्टीका महासचिव विप्लव सीले सरकारले बिचौलिया र दलाललाई पोस्ने निर्णय गरिरहेको बताएका छन्। सरकार विद्युतको बक्यौता छुट दिन चलखेल गरिरहेको,व्यापारी र दलाललाई पोस्ने काम गरिरहेको बताउँदै बिचौलिया र दलाललाई पोस्ने सरकारको कदमविरूद्ध आन्दोलन गर्ने चेतावनी दिएका छन्।
बुटवलमा सम्पन्न नेपाल कम्युनिष्ट पार्टीको लुम्बिनी प्रदेश सचिवालय बैठकलाई सम्बोधन गर्दै राष्ट्रलाई आत्मनिर्भर बनाउन आवश्यक रहेको बताउँदै आफ्नो पार्टीले लिएको उत्पादन नीतिले राष्ट्रलाई आत्मनिर्भर बनाउन योगदान पुर्याउने दाबी गरे। बैठकलाई सम्बोधन गर्दै कार्यकर्तालाई भ्रष्टाचारविरूद्ध निर्मम भएर प्रस्तुत हुन निर्देशन दिए ।कम्युनिष्ट र समाजवादीहरूको एकता आवश्यक रहेको बताउँदै नेपाली विशेषताको समाजवाद स्थापना गर्न देशभक्त,लोकतान्त्रिक शक्ति, कम्युनिष्ट र समाजवादीहरूको सहकार्य र एकतामा पहल गर्ने निर्णय पार्टी केन्द्रीय समितिले गरेको उल्लेख गरे।
