काठमाडौं । प्रहरीले ठूलो परिमाणमा ट्रामाडोलसहित चार जनालाई पक्राउ गरेको छ। लागुऔषध नियन्त्रण ब्युरोले ३५ हजार ५१६ क्याप्सुल ट्रामाडोल बरामद गर्दै उनीहरूलाई नियन्त्रणमा लिएको जनाएकाे छ ।
पक्राउ पर्नेमा नुवाकोट घर भएका ३५ वर्षीय सुरेश तामाङ, दोलखा भीमेश्वर–६ का २२ वर्षीय सञ्जीव घिसिङ, धनुषा घर भएका २२ वर्षीय सुरेन्द्र कुमार रौनियार र काभ्रे रोशी गाउँपालिका–९ का २३ वर्षीय रोहित राना मगर रहेका छन्।
ब्युरोका अनुसार अनुसन्धानको क्रममा चैत १७ गते सुरेश तामाङलाई प्रारम्भिक रूपमा पक्राउ गर्दा उनको साथबाट ३१ हजार ८ सय क्याप्सुल ट्रामाडोल बरामद गरिएको थियो। सोही बयानका आधारमा सञ्जीव घिसिङलाई पक्राउ गर्दा उनको साथबाट थप १ हजार ९९६ क्याप्सुल फेला परेको थियो। उनीहरूको नेटवर्कमार्फत संलग्न अन्य दुई जनालाई पनि पछि पक्राउ गरिएको प्रहरीले जनाएको छ।
घटनाबारे थप अनुसन्धान भइरहेको प्रहरीले जानकारी दिएको छ।
