काठमाडाैं । मातातीर्थ संरक्षण तथा विकास संस्थाले मातातीर्थ मेला अन्तर्गत भएको आर्थिक कारोबार सम्बन्धी जानकारी दिएको छ ।
वैशाख ४ गते परेको यस वर्षको मातातीर्थ औंसी (मातातीर्थ मेला) अन्तर्गत कुल २४ लाख ६ हजार ८ सय ८५ रुपैयाँ आम्दानी भएको तथा १७ लाख १४ हजार रुपैयाँ खर्च भएको मातातीर्थ संरक्षण तथा विकास संस्थाले जानकारी दिएको हो ।
संस्थाका अध्यक्ष शान्त उदासका अनुसार मेलामा भजन मण्डल र चन्दा बाकसबाट १९ लाख ५७ हजार ७ सय,बजार व्यवस्थापनबाट ३ लाख २५ हजार,पोखरीमा रहेको १२ हजार १ सय ८५, बैंकको क्यू.आर.बाट ६२ हजार र मनोरञ्जनबाट ५० हजार गरि कुल २४ लाख ६ हजार ८ सय ८५ रुपैयाँ आम्दानी भएको हो ।
संस्थाले दिएको आर्थिक विवरण अनुसार २४ लाख ६ हजार ८ सय ८५ आम्दानी मध्ये मन्दिर परिसरमा संरचना निर्माण,रंङ्गरोगन,सिसिक्यामरा जडान ,बिजुली मर्मत,क्याटरिङ, भजन मण्डल, खाजा, मसलन्द तथा पूजा सामाग्री,छापाखाना लगायतका शिर्षकमा १७ लाख १४ हजार खर्च भएको उल्लेख गरिएको छ ।
यस वर्षको मातातीर्थ मेला व्यवस्थापनमा सबै खर्च कटाएर ६ लाख ९२ हजार रुपैयाँ बचत भएको मातातीर्थ संरक्षण तथा विकास संस्थाले जनाएको छ ।
