काठमाडाैं । कपिलवस्तु जिल्लाको महाराजगञ्ज नगरपालिकास्थित बरगदा गाउँमा रहेको एक मन्दिरमा मुस्लिम समुदायका केही युवाले तोडफोड गरेको विषयमा उत्पन्न विवाद चर्कँदै गएको छ। शनिबार बिहान नमाज पढ्ने समयमा काली मन्दिरमा रहेको भजन बज्ने साउण्ड सिस्टम मुस्लिम युवाहरुले तोडफोड गरेकाे विषयमा उत्पन्न विवादले उग्र रुप लिएको हो।
विज्ञापन
हिन्दू समुदायका युवाहरूले दोषी उपर कारबाहीको माग गर्दै शनिबार गरेको प्रदर्शन नियन्त्रण गर्न खोज्दा प्रहरीको गोली लागेर ४ जना घाइते भएका छन्। घाइते ४ जनामध्ये २३ वर्षीय अरुण यादवको पेटमा गोली लागेको र उनको अवस्था गम्भीर रहेको छ।
विज्ञापन
भैरहवाबाट थप उपचारका लागि घाइते यादवलाई चितवन लगिएको छ। गोली लागेर घाइते भएका बाँकी ३ जनाको भैरहवास्थित मेडिकल कलेजमा उपचार भई रहेको छ।
