काठमाडाैं । कविताया लाय्कूको आयोजनामा गत शनिबार मंकाः खलःको भवनमा कविताया कोलाज सम्पन्न भयो । कार्यक्रममा काठमाडौं कलेडरस्कोपका सर्जक कवि भीष्म उप्रेतिसंग कविताका विषयमा संवाद पनि गरिएको थियो ।
अनौपचारिक रुपं संचालित उक्त कार्यक्रममा नरेन्द्रबहादुर श्रेष्ठ, बसन्त नकःमि, सुधीर ख्वबि, रामगोपाल आसुतोष, चन्द्रबहादुर लामा, कविन्द्रलाल प्रधान, रहेना नकःमि, बिनिता बज्राचार्य, मञ्जु श्रेष्ठ सिंह, सुशील राजोपाध्याय, नारद बज्राचार्य र रजनी मिलाले नेपाली र नेपालभाषामा कविता वाचन गर्नुभएको थियो ।
कार्यक्रममा बोल्दै कविताया लाय्कूकी सचिव रजनी मिलाले अब कविताको कोलाज कार्यक्रम हरेक महिनाको अन्तिम आइतबार निरन्तर रुपमा गर्ने जानकारी दिनुभयो । यसका साथै भविष्यमा स्थलगत भ्रमणका क्रममा त्यहीं कविता रचना गर्ने र वाचन गर्ने कार्यक्रम रहेको पनि जानकारी दिनुभयो ।
नेपालभाषाका महिला कविहरुको संस्था कविताया लायकूले आयोजनामा भएको उक्त कार्यक्रममा बोल्दै कवि उप्रेतिले नेपालभाषाका कविहरुसँग अन्तरक्रिया कार्यक्रम गर्नुपर्नेमा जोड दिनुभयो ।
